sru:version: 1.2; sru:query: fcs.rf="mecmua.3_27"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.3_27"; sru:baseUrl: ; fcs:returnedRecords: 1; fcs:duration: PT0.026S PT0.026S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.3_27</phrase></query>)];

1 Qapuñdan ġayra muḥtāc olmayalum
Sen yaratdun [!] yine sen yardım eyle
Ḫūn‑i vaṣla doyur ac olmayalum
Sen yaratdun [!] yine sen yardım eyle

2 Gülşe[n]de bülbüli zār ėden sensin
Düşmeni dost ėdüp yār ėden sensin
ʿĀlemleri yoqdan var ėden sensin
Sen yaratdun [!] yine sen yardım eyle

3 Cānuma cānānı kimden umayın
Derdüme dermānı kimden umayın
Luṭfın‑la iḥsānı senden umayın
Sen yaratdun [!] yine sen yardım eyle

4 Sensiz bir kişinüñ işi bitmedi
Kimse buyruġsuz yola gitmedi
Ḫalq ėdicek kimse yardım [!] ėtmedi
Sen yaratdun [!] yine sen yardım eyle

5 Bilmeyenler ġayruñ nefʿi var ṣandı
Bilicek ġayra baqmaqdan uṣandı
Sen esirge Hüdāyī derd‑mendi
Sen yaratdun [!] yine sen yardım eyle